நீர் - முதல் சொல்

இயற்கையழகு...!!!

*************************

நீரோடும் காவிரியில் நீந்துகின்ற சிற்றலைகள் 

ஏரோடும் நெல்வயலை இன்பமுடன் கண்டோடச் 

சீரோடு வானுலவும் வெண்ணிலவைத் தொட்டணைக்கக்

காரோடும் கோலத்தைக் காண்.

இஃதின்றேல் ....!!!

************************

நீரின்றேல் வாழ்வு நிலத்தில் கிடையாது 

தேரின்றேல் வீதியில் தெய்வமுலா வந்திடாது 

மாரியின்றேல் தாவரங்கள் மண்ணில் செழிக்காது  

காரின்றேல் வானழகா காது.

( ஒரு விகற்ப இன்னிசை வெண்பா)

சியாமளா ராஜசேகர்