இரட்டுற மொழிதல் வெண்பா....( வான், நடிகை )
ஒளிபாய வந்துகொட்டி உள்ளம் நனைக்கும்
களிப்பளிக்கும் யாவரும் கண்டால் - அளவிலா
ஆனந்த மள்ளித் தெளிக்கும் திரைதோன்றும்
வானுக்கொப் பாம்நடிக்கும் மாது.
நடிகை
********
1. கேமரா ஒளிபட்டதும் வசனம் வாயினின்று கொட்டும்.
2. பார்ப்பதும் உவகைதான்
3. மட்டற்ற மகிழ்ச்சி கிட்டும்.
4. வெள்ளித்திரையில் தோன்றுவார்.
வான்
******
1.மின்னலுக்குப்பின் மழை கொட்டும்.
2. பார்த்தாலே உள்ளம் நனையும்.
3. மிக்க மகிழ்ச்சி தரும்.
4.வானில் மேகம் திரைபோடும்.
சியாமளா ராஜசேகர்
No comments:
Post a Comment