மட்டைப் பந்தாட்டம் ...!!!

பதினொருவர் ஓரணிக்கென் றிணைந்தாடு மாட்டம்
***பைத்தியமா யாக்கிவிடும் மட்டைப்பந் தாட்டம் !
மதிமயங்கித் தொலைக்காட்சிப் பெட்டிமுன்ன மர்ந்து
***மகிழ்ச்சியுடன் துடிப்போடு மனம்சுவைக்கு மாட்டம் !
உதிரத்தைச் சூடேற்றி உற்றுநோக்க வைக்கும் 
***உரித்தானோர் வெளியேற இதயத்தைத் தைக்கும் !
இதில்கூட சூதாட்டம் தலைவிரித்தே ஆடும்
***இதையறிந்தும் உளம்விரும்பும் துடுப்பாட்ட மன்றோ ??

சியாமளா ராஜசேகர்