எண்சீர் வண்ண விருத்தம்... !!!
*****************************************
சந்தக் குழிப்பு :
********************
தனதன தத்தத் தனதன தத்தத்
தனதன தத்தத் தனதன தனதானா
தனதன தத்தத் தனதன தனதானா
பொலிவொடு பட்டுப் புடவையு டுத்திப்
பொடிநடை யிட்டுத் தனிமையில் வருவாளோ ?
சிலையென வெட்கப் படுமிரு சுட்டிச்
சிறுவிழி முத்துப் பரலென வொளிவீசும் !
தலைவியை மெச்சிக் கனிவொடு தொட்டுத்
தழுவிட யிற்றைக் கினியவள் விடுவாளோ ?
குலமகள் மத்தத் துடனெனை யொட்டிக்
குலவிட முத்தச் சுகமது புரிவேனே !!
சியாமளா ராஜசேகர்
No comments:
Post a Comment