வண்ணப் பாடல் ....!!!

வண்ணப்பாடல்...
சந்தக் குழிப்பு :
**************
தனத்த தானன தானன தானன
தத்தத் தனதன தந்தன தந்தன
தனதன தனதன தனதன தனதன.  . . . . .  தனதானா

கிழக்கி லேயெழு ஞாயிறு  பேரொளி 

   வட்டத் தினையிரு கண்களு முண்டது

     கிடுகிடு கிடுவென இருளது விலகிடு . . . . மதிகாலை !

கிறுக்கி னேனொரு பாடலை யாவலில்

     ஒற்றைக் கதிரதை நெஞ்சமும் வென்றது 

     கிளுகிளு கிளுவென எழுதிய கவிதையு . . . . மிதுதானே !

செழித்த சோலையி லேதிகழ்  வாவியில் 

     மெத்தக் கனிவோடு கெண்டையி ரண்டுடன்

     சிறுகயல் மலரொடு குலவிடு மழகினில் . . . . . நனைவேனே 

தெறித்து நீரலை மேனியி லேபட 

      முத்துச் சரமென நெஞ்சில்வ ழிந்ததன் 

       திகழொளி விழிகளி னிமைகளை வருடிடு . . . . . மிதமாமே !

வழக்க மாயிது தான்நித மேகிடும்

     சுற்றிக் குளமதில் வண்டுப றந்திடும் 

     மழைவரு பொழுதினில் மலரித ழடியினை . . . . . யதுநாடும் !

வருத்த மேயிலை யோவெனும் பார்வையில் 

      வெட்கப் படுமலர் கண்டுநெ கிழ்ந்திடும் 

      மதுவுண மொகுமொகு மொகுவென வொலிசெயும் . . . . . வடிவோடே !

உழைக்கு மேருழ வோரது காளைகள்

     பட்டிக் கதவுதி றந்திட வந்திடும் 

     ஒலியது கலகல கலவென  விருசெவி . . . . . களில்மோதும்

உளத்தில் லோடிடு மாவலி மாறிட

      நத்தத் துடனவர் சென்றுதொ டர்ந்திட 

      உழவரி னுயர்தொழி லிதுவென மனமது . . . . மகிழாதோ ?

சியாமளா ராஜசேகர்