முள்ளிடையே மலர்ந்தாலும் மோகனமாய்ப் புன்னகைக்கும்
கள்ளிருக்க வண்டீர்க்கும் காற்றினிலே அசைந்தாடும்
கிள்ளியதைச் சூடிடவே கெஞ்சிநிற்கும் கன்னிமனம்
கொள்ளைகொள்ளும் காதலரைக் கொஞ்சிடவே ஏங்கிநிற்கும் !
இளஞ்சிவப்பு நிறத்தினிலே இனிதாக மொட்டவிழும்
இளங்காலைப் பொழுதினிலே இதயத்தை வருடிவிடும்
களங்கமிலாப் பனித்துளியைக் கனிவுடனே சுமந்திருக்கும்
உளம்விரும்பும் மலர்களிலே ஒற்றைரோஜா மிகவழகே !
No comments:
Post a Comment