தேவதையே கண்வளராய் ...!!

சிங்காரக் கண்ணே! சின்னஞ் சிறுமலரே!
தங்கச் சிலையழகே! தாவிவரும் பொன்ரதமே!
மங்காத ஓவியமே! வான்தவழ் வெண்மதியே!
பொங்கிவிழும் தேனூற்றே! பூஞ்சாரல் மென்சுகமே!
செங்கரும்பின் இன்சுவையே! செவ்வந்திப் புன்சிரிப்பே!
திங்களின் தண்ணொளியே! சிட்டே! குலக்கொழுந்தே!
சங்கத் தமிழ்மணமே! தாலாட்டு தாய்பாடச்
செங்கமலப் பூமுகமே! தேவதையே! கண்வளராய் !!!

(இயல் தரவிணைக் கொச்சகக் கலிப்பா )

சியாமளா ராஜசேகர்