வண்ணப் பாடல் ....!!!

சந்தக் குழிப்பு
******************
தந்தன தானா தந்தன தானா
தந்தன தானா . . . . தனதானா

குன்றுறை வேலா இன்றமி ழீசா
***குஞ்சரி நாதா . . . . உனைநாளும்
கும்பிட வேதான் நெஞ்சிள காதோ
***குங்கும நீறோ . . . . டருள்வேளே!
தண்டமி ழாலே கொஞ்சிடு வேனே
***சந்தன மார்பா . . . . பணிவோடே. !
தஞ்சமும் நீயே செந்திலின் பேறே
***சங்கரி பாலா . .. . துணைநீயே !
அன்பொடு சேயோ னுன்புகழ் நாவால்
***அண்டரும் பாடா . . . . தெழுவாரோ ?
அந்தகன் வாரா தென்துயர் தீராய்
***அந்தமி லானே . . . . முருகோனே !
என்றுமு ளானே செங்கனி வாயால்
***இன்கவி நானே . . . . பொழிவேனே !
எண்குண னேஓம் மந்திர மூலா
*** என்பதி நீயே . . . . பெருமாளே .

சியாமளா ராஜசேகர்