குளிர்ந்து வீசும் தென்றல் ...!!

யமுனைக் கரையில் யதுகுலக் கண்ணன் 

அமுதாய்ப் பொழிந்தனன் அன்பை ! - குமுதமாய்ப் 

பூத்தராதை பாடிப் புகழ்ந்திடக், கேட்டுவீசும் 

ஆத்தோரத் தென்றல் குளிர்ந்து 

குளிர்ந்துவீசும் மாருதமும் கோகானம் கேட்டு 

தளிர்மரத்தைத் தாலாட்டும் தாயாய் !- தெளிந்தோடும் 

ஆற்றோரப் பூஞ்செடியும் ஆனந்த ஆடலைப் 

போற்றி வணங்கும் மலர்ந்து .

மலர்க்கொடியாள் மையலினால் மாயனுட  னாட

சிலம்பொலியும் நாதமெனச் சேர - அலம்பும் 

நதியலைகள் பையவந்து நாணமுடன் நோக்கும் 

அதிசயக் காட்சி வியப்பு !

வியந்தே ரசித்தனள் வேணுகானம் மீட்ட

மயக்க நிலையில் மகிழ்ந்து - இயற்கையும் 

கூடிக் களித்திடும், கோபால னைக்காண  

ஓடிவரும் மேகம் விரைந்து